Yangiliklar

🗣 Yoshlar akademiyasi a’zolari IYRC-2020 xalqaro robototexnika musobaqasida oltin medalni qo’lga kiritdi.

🗣 IYRC-2020 xalqaro robototexnika musobaqasida Yoshlar akademiyasi a’zolari “Chiqindilarni saralash” loyihasi bilan oltin medalni qo’lga kiritdi.

🚀 IYRC (International Youth Robot Competition) xalqaro robototexnika musobaqasi bo’lib, 2014 yildan beri 28 mamlakatdan yosh muhandislar va sportchilarni birlashtirdi.

♨️ Joriy yil IYRC 2020 xalqaro musobaqasi Rossiyada o’tkazilishi rejalashtirilgan edi, ammo pandemiya sababli IYRA bolalar va o’smirlar robototexnika xalqaro assotsiatsiyasi tanlovni onlayn tarzda tashkil etishga qaror qildi.

🏆 IYRC musobaqasida O’zbekiston jamoasi, Yoshlar akademiyasining yosh a’zolari “Chiqindilarni saralash” loyihasi bilan oltin medalni qo’lga kiritdi.

💡 Loyiha murabbiyi:
Anatoliy Dushakov, Toshkent shahrining Olmazor tumani, “Barkamol avlod bolalar maktablari” markazi robototexnika, aerodinamika va mexatronika guruhi rahbari.

💡 Loyiha ishtirokchilari:
Ro’zimahammadov Amirbek, Budnikov Vladimir, Pak Aleksandr, Turdimatov Amir, Ismoilov Amir, Islomova Sitora.
_______________
Yoshlar akademiyasi — Ilm-fan sohasiga o’z hissangni qo’sh

Telegram  | Facebook | Instagram  | YouTube

Olmazor tumanini ilm-fan va innovatsiyalar sohasidagi salohiyatini oshirishga qaratilgan loyihalar taqdimoti boʻlib oʻtdi

📣 2020-yil 18-sentyabr Innovatsion rivojlanish vazirligi binosida Olmazor tumanini ilm-fan va innovatsiyalar sohasidagi salohiyatini oshirishga qaratilgan loyihalar va tayyor ishlanmalar taqdimoti boʻlib oʻtdi.

🔸Innovatsion rivojlanish vazirligi va Olmazor tumani hokimiyati tomonidan tashkil etilgan ushbu tadbirda Innovatsion rivojlanish vaziri oʻrinbosari Olimjon To’ychiyev va Olmazor tumani hokimi birinchi o’rinbosari Jahongir Isroilov so’zga chiqib yurtimizda olib borilayotgan keng ko’lamli islohotlar, innovatsion jarayonlar va Innovatsion rivojlanish vazirligining faoliyati hamda Olmazor tumanining innovatsion-investitsion salohiyati to’g’risida nutq so’zladilar.

➡️ Mazkur tadbirdan asosiy maqsad Olmazor tumanining ilm-fan va innovatsiyalar sohasidagi salohiyatini oshirish hamda tumanga innovatsion g’oyalar, ishlanmalar va texnologiyalarni tatbiq etishdan iborat.

🔸 Tadbirda Innovatsion rivojlanish vazirligi qoshidagi “Yashnobod” innovatsion texnoparki rezidentlari, Yoshlar akademiyasi aʼzolari, Olmazor tumanida joylashgan OTMlarining ilmiy ishlar va innovatsiyalar bo’yicha prorektorlari hamda boshqa tashabbuskor ixtirochilar o’z loyiha va ishlanmalari bilan taqdimot o’tkazdilar.

➡️ Mazkur tadbirda fan, taʼlim, sog’liqni saqlash, qishloq xo’jaligi, davlat va jamiyat qurilishi, arxitektura va qurilish, energetika, sanoat, moliya-iqtisod, texnologiyalar transferi yo’nalishlari bo’yicha taqdimotlar o’tkazildi.

❗️Tadbirda taqdimotlar natijalariga qarab, eng yaxshi loyiha va ishlanmalar tanlab olinadi va ularni Olmazor tumaniga joriy etilishi taʼminlanadi.
_______________
Yoshlar akademiyasi — Ilm-fan sohasiga o’z hissangni qo’sh

Telegram  | Facebook  | Instagram  | YouTube

Birinchi Yoshlar Innovatsiya forumi

Joriy yilning 3—5-noyabr kunlari Innovatsion rivojlanish vazirligi hamda Yevrosiyo injiniring kompaniyasi tomonidan hamkorlikda InnoWeek-2020 innovatsion gʻoyalar haftaligi doirasida “Birinchi xalqaro yoshlar innovatsiya forumi – 2020” oʻtkaziladi. Mazkur tadbir Oʻzbekiston Respublikasi Prezidentining “Ilm-maʼrifat va raqamli iqtisodiyotni rivojlantirish yilida” 2017-2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini amalga oshirish boʻyicha davlat dasturi toʻgʻrisida”gi farmoniga binoan va Innovatsion rivojlanish vazirligi hamda “Yevrosiyo injiniring kompaniya”si MCHJ oʻrtasida imzolangan shartnoma asosida rejalashtirilgan.

Yevrosiyo injiniring kompaniyasi (EEC Russia) – xalqaro injiniring, moliya va ilmiy-texnik institutlarni birlashtiruvchi innovatsiya markazidir. EEC Russia energetika, energetika va resurslarni tejash, qishloq xoʻjaligi, ekologiya va muhandislik sohalarida xalqaro loyihalarni amalga oshiradi.

“World youth innovation forum – 2020” birinchi xalqaro yoshlar innovatsiya forumini Oʻzbekistonda oʻtkazishdan maqsad istiqbolli loyihalarni amalga oshirish uchun mablagʻ toʻplash, shuningdek, milliy innovatsion loyihalarni qoʻllab-quvvatlash orqali Respublikada innovatsiyalar sohasini ragʻbatlantirish va rivojlantirish uchun sharoit yaratishdir. Xususan, forum loyihalarni amalga oshirish markazi boʻlgan davlat, biznes va innovatsiya soha vakillarining oʻzaro aloqalari uchun doimiy platforma yaratadi.

Forum toʻrtta raqamli platformadan iborat:

  1. Innovatsion loyihalar koʻrgazmasi– yosh innovatorlar va texnologik tadbirkorlarning loyihalarini taqdim etish uchun koʻrgazma platformasi. Forum ishtirokchilari loyihalarning imkoniyatlarini baholash va ularni amalga oshirish istiqbollarini koʻrib chiqish imkoniyatiga ega boʻladilar.

Koʻrgazma boʻlimlari: Energetika, qishloq xoʻjaligi, sanoat va qurilish, IT va biotexnologiya. Koʻrgazma natijalari boʻyicha Oʻzbekiston Respublikasi Hukumatining grant mablagʻlarini ajratish bilan keyingi amalga oshirish va tijoratlashtirish uchun loyihalar tanlab olinadi.

  1. Biznes dastur– ishtirokchilarga 5 ta raqamli blok taqdim etiladigan raqamli platformadan iborat:
  • Biznes dastur treklari – yoshlar texnologik tadbirkorligini qoʻllab-quvvatlashning istiqbollari va mexanizmlarini muhokama qiladigan panel sessiyalar, brifinglar va foresight sessiyalardan iborat.
  • Akseleratsiya bloki – texnik, marketing, moliyaviy va boshqa masalalar boʻyicha ekspert baholash va murabbiylik tavsiyalarini olish uchun yoshlar loyihalarining bir qator taqdimotlari.
  • Taʼlim bloki – turli xil biznes sohalarining yetakchi vakillaridan treninglar, taqdimotlar va amaliy tadqiqotlar.
  • Keys-chempionatlar – maʼlum bir kompaniyaning amaliyotidan kelib chiqib, haqiqiy biznes muammolarini hal qilish uchun jamoalar taklif qilinadigan musobaqalar.
  • Hackathons – jamoaviy oʻyin, uning davomida ishtirokchilar birgalikda kompaniyaning texnik va amaliy muammolarini hal qilishadi.
  1. Koʻngilochar dastur –ishtirokchilarga 3 ta raqamli blok taqdim etiladi:
  • Koʻngilochar dastur – Onlayn konsertlar;
  • Ted-Talks – Yangi texnologiyalar sohasidagi tadbirkorlar qisqa taqdimotlarda oʻzlarining muvaffaqiyatlari haqidagi hikoyalarini oʻrtoqlashadilar;
  • Speed-dating – sarmoyadorlar va startap asoschilari biznes bilan tez tanishishda qatnashadilar.
  1. Boʻsh ish oʻrinlari yarmarkasi– turli sohalardagi ish beruvchilar oʻzlarining mavjud boʻsh ish oʻrinlarini taqdim etadilar, yoshlar uchun stajirovka yoki vaqtinchalik ish taklif qiladilar, shuningdek tashkilotlar davlat korporatsiyalarida ishlaydigan yoshlarning istiqbollari toʻgʻrisida gaplashadilar. Bundan tashqari, maslahatchilar maʼlumotnoma yozishda yordam berishadi va nomzodlarning raqobatdosh ustunliklarini hisobga olgan holda intervyu berish boʻyicha maslahat berishadi. Mahorat darslarida murabbiylar intervyuga qanday tayyorgarlik koʻrish haqida maslahat berishadi va kasbiy rivojlanish strategiyasini yozish sirlari boʻyicha maslahatlar berishadi.

 

TTPU

“Global Young Academy” yurtimizning iqtidorli yoshlari uchun o’z eshiklarini ochmoqda.

💡 “Global Young Academy” dunyo miqyosida yosh olimlarni qo’llab-quvvatlash, ilm-fanni keng omma e’tiboriga havola etish, siyosiy munozaralarda qatnashish, xalqaro va fanlararo hamkorlikni rivojlantirish uchun yosh tadqiqotchilarga xalqaro muloqotlarni olib borish imkoniyatini yaratadi. Dunyo miqyosidagi taniqli yosh olimlarni global ahamiyatga ega mavzularni muhokama qilish uchun birlashishiga imkon beradi.

📝 A’zolik:
🔸 Tadqiqotga asoslangan har qanday fan, shu jumladan tabiiy, jismoniy va ijtimoiy fanlar, shuningdek, san’at va gumanitar fanlar bo’yicha ishlaydigan barcha olimlar uchun ochiq.

📝 Talablar:
🔸 Da’vogarlar o’zlarining yuqori darajadagi bilimlarni namoyish eta olishlari hamda jamiyatda o’zgarishlar qilish uchun aniq majburiyatni namoyish etishlari kerak. PhD yoki unga tenglashtirilgan dastur da’vogarlar uchun asosiy talabdir.

❗️ Ushbu diapazondan tashqarida bo’lgan talabgorlarga o’z arizalarini nega ko’rib chiqish kerakligi to’g’risida asosli hujjatlarni yuborish taklif etiladi.

📝 Imkoniyatlar:
🔸 Har yili GYA a’zosi yillik umumiy yig’ilishida qatnashishi shuningdek, tashkilotning bir yoki bir nechta dasturiga faol hissa qo’shishi, ular siyosatni ishlab chiqish, milliy yosh akademiyalarni targ’ib qilish, ilm-fan va ma’rifatni qo’llab-quvvatlash imkoniga ega bo’ladilar. Agar arizachilar GYA ning yangi a’zolari sifatida qabul qilinsa, ular 2021 yil 16-21 may kunlari Yaponiyada bo’lib o’tadigan navbatdagi yillik umumiy yig’ilishda qatnashish imkoniyatiga ega bo’ladi.

⏳ Arizalar 2020 yil 15 sentyabrga qadar qabul qilinadi.
🌐 Ariza topshirish.

_______
Yoshlar akademiyasi — Ilm-fan sohasiga o’z hissangni qo’sh

 

Eng yuqori Xirsh indeksiga erishgan 40 yoshgacha boʻlgan olimlarga 100 mln. soʻm miqdorida mukofot beriladi.

Nashr etilgan maqolalar va undan keltirilgan iqtiboslar soniga asoslanuvchi «Xirsh indeksi»ga erishgan yosh olimlarga 100 mln soʻm miqdorida mukofot beriladi.
Prezidentimizning tashabbuslari bilan Innovatsion rivojlanish vazirligi tomonidan matematika, kimyo, biologiya va geologiya yoʻnalishlarida faoliyat yuritayotgan iqtidorli yosh olimlarni qoʻllab-quvvatlash hamda ularni rag‘batlantirish maqsadida 2020-yil yakuni boʻyicha Scopus xalqaro ilmiy maʼlumotlar bazasi boʻyicha eng yuqori «Xirsh indeksi»ga erishgan 40 yoshgacha boʻlgan olimlarga Yoshlar akademiyasining Iqtidorli yoshlarni qoʻllab-quvvatlash jamgʻarmasi mablagʻlari hisobidan bir martalik toʻlanadigan 100 mln soʻm miqdorida mukofot beriladi.

☑️ Scopus – dunyoning eng nufuzli ilmiy-tahliliy reyting platformalaridan biri boʻlib, ilmiy maqolalar mualliflari, olimlar, jurnallar, tashkilotlar, mamlakatlar reytinglarini tuzish imkonini beradi. Undan oʻrin olish uchun talab etiladigani – ilmiy maqola yozish. Reytingda oʻsish uchun mazkur ilmiy maqolaga havola berilishi, olimlar oʻz maʼruzalarida uni tilga olishlari kerak. Bu qancha koʻp boʻlsa, shuncha yaxshi. Maqolaga havola berilishi uning ilmiy hamjamiyat uchun haqiqatda muhim ekanini bildiradi.

☑️ «Xirsh indeksi» 2005-yilda amerikalik olim Xorxe Hirsh tomonidan olimlarning ilmiy faoliyati natijadorligini hisoblash uchun taklif etilgan koʻrsatkichdir. Mazkur indeks olim, ilmiy tashkilot yoki mamlakatning nashr etilgan maqolalari va unga koʻrsatilgan iqtiboslar soniga asoslanadi. Indeksni hisoblashda tadqiqotchining ilmiy maqolalarini har bir maqola boʻyicha iqtiboslarga taqsimlash asosida hisoblanadi.

📌Qayd etilishicha, Oʻzbekiston olimlarining Scopus jurnallarida chop etiluvchi maqolalariga oʻrta hisobda 9-11-marta havola beriladi.

_______________
Yoshlar akademiyasi — Ilm-fan sohasiga o’z hissangni qo’sh

 

YA

“TexnoBus” taʼlim platformasi

Joriy yilning 16 iyul kuni “TexnoBus” taʼlim platformasining Olmazor tumani yoshlari bilan online konferensiyasi bo’lib o’tdi.

Innovatsion rivojlanish vazirligi huzuridagi Yoshlar akademiyasi jamoasi tomonidan Toshkent shahri Olmazor tumanidagi iqtidorli hamda tashabbuskor yoshlari uchun “TexnoBus” taʼlim platformasining online mahorat darsi tashkil etildi.

Mazkur online uchrashuvda ishtirokchilar “TexnoBus” innovatsion taʼlim platformasida yaratilgan sharoitlar bilan tanishtirildi hamda quyidagi sohalar boʻyicha ma’lumotlar berildi:
– robototexnika va elektronika;
– 3D prototiplashtirish;
– muqobil energiya manbalari;
– dasturlash;
– VR/AR va boshqa interaktiv yoʻnalishlar

Konferensiya so’ngida ishtirokchilar tomonidan berilgan savollarga javob berildi hamda yaqin kelajakda bunday mahorat darslari yana tashkil qilinishi to’g’risida takliflar bildirildi.

“O’ZTRANSGAZ” AJ DA FAOLIYAT YURITAYOTGAN YOSH OLIMLARNI YOSHLAR AKADEMIYASI FAOLIYATI BILAN TANISHTIRUV UCHRASHUVI BO’LIB O’TDI

“O’ztransgaz” AJ da faoliyat yuritayotgan yosh olimlarni Yoshlar akademiyasi faoliyati bilan tanishtirish maqsadida 2020-yil 11-fevral kuni Innovatsion rivojlanish vaziri o’rinbosari Olimjon To’ychiyev hamda Iqtidorli yoshlar bilan ishlash boshqarmasi boshlig’i Firdavs Nematzoda va boshqarma mutaxassislari shuningdek “O’ztransgaz” AJ boshqaruv raisi Ulug’bek Sayidov, jamiyat boshqarma va bo’lim boshliqlari va yoshlar ittifoqi a’zolari bilan uchrashuv o’tkazildi.
Uchrashuv davomida akademiya tashkil etilishidan maqsad, asosiy vazifalari, faoliyat yo’nalishlari hamda imtiyozli tomonlari haqida ma’lumot berildi.
Tadbirda “O’ztransgaz” AJ tizimida mavjud muammolarni shakllantirib Yoshlar Akademiyasi a’zolari bilan birgalikda ularni hal etish, xalqaro akademiyalar bilan aloqa o’rnatgan holda a’zolarni chet elga malaka oshirishga yuborish, iqtidorli yoshlar uchun birgalikda seminar-treninglar, forumlarini tashkil etish kabi masalalar muhokama qilindi.

O‘ZBEKISTON RESPUBLIKASI INNOVASION RIVOJLANISH VAZIRLIGIDAN YANGI IMKONIYAT!

Prezidentimizning 5 ta muhim tashabbusidan biri bo‘lgan 3-tashabbusi aholi va yoshlar o‘rtasida kompyuter texnologiyalari va internetdan foydalanishni tashkil etish, yoshlarimizning dasturlashga bo‘lgan qiziqishlarini oshirish hamda iqtidorli yoshlarning intellektual salohiyatini namoyon etish maqsadida Innovatsion rivojlanish vazirligi tanlov e’lon qiladi.

Tanlov 3 guruh (4-7, 8-10, 11-13 yosh) bolalari o‘rtasida bo‘lib, yoshga qarab tanlov topshiriqlari beriladi hamda har bir guruh bo‘yicha 2 nafardan g‘oliblar saralab olinadi.

Tanlov shartlari:

4-7 yosh

“Mening birinchi dasturim” mavzusida videolavha

1 daqiqalik (hajmi 100 mb)dan oshmagan videolavha tayyorlab, uni @innovator_video Telegram guruhiga joylashtiring.

8-10 yosh

“Men novatorman” mavzusida (70-90 so‘z)dan oshmagan insho yozib, uni @innovator_insho Telegram guruhiga joylashtiring.

11-14 yosh

“Mening innovatsion g‘oyam” mavzusida insho

(100-130 so‘z)dan oshmagan insho yozib, uni @innovator_insho Telegram guruhiga joylashtiring.

Tanlov shartlari bo‘yicha videolavha va insholarni yuqorida ko‘rsatilgan telegram guruhlarga joriy yilning 10 fevralidan 21 martiga qadar belgilangan tartibda yuborish talab etiladi.

Tanlov g‘oliblari Innovatsion rivojlanish vazirligi huzuridagi Yoshlar akademiyasining g‘oyalar generatori platformasi a’zoligiga nomzod bo‘lib hisoblanadilar. Bu esa o‘z navbatida yoshlarga g‘oyalarini takomillashtirish imkoniyatini beradi. Bundan tashqari, g‘oliblar “JuniorCode” (bolalar uchun dasturlash) kurslarida bepul o‘qish imkoniyatiga ega bo‘ladi.

ANKETA

YA

Молодым ученым небезразлична работа по озеленению Арала

Институт общей и неорганической химии Академии наук Республики Узбекистан разработал биологические стимуляторы для выращивания и развития растений, разработанный молодыми учеными, и в настоящее время занимается его применением в сельском хозяйстве.

В целях стабилизации экологической обстановки и восстановления естественного баланса в засушливых районах Аральского моря молодые ученые института встретились с заместителем министра инновационного развития О.Туйчиевым.

Даврон Исабаев, молодой ученый из Института общей и неорганической химии, выступил с инициативой поставить за свой счет стимуляторы в 500 гектаров саженцев саксаула, высаженных в строящихся лесах в регионе Аральского моря.

Заместитель министра Олимжон Туйчиев сообщил о готовности оказания помощи и поддержки данного проекта со стороны Академии молодёжи.