Tanlovlar

“Qishloq xoʻjaligida yoshlarning innovatsion loyihalari” tanlovini eʼlon qilamiz

🤔 Siz qishloq xoʻjaligi sohasiga qiziqasizmi?
🤔 Prezidentimiz tashabbusi bilan yoshlarga ajratilgan yer maydoniga egamisiz?
🤔 Biroq u yerda oʻz innovatsion loyihangizni amalga oshirishga mablagʻ yetarli emasmi?

💡 Unda bizni tanlovimizda ishtirok eting va grant mablagʻini qoʻlga kiriting!

🌐 Hozirgi davrda yoshlarni bandligini taʼminlash davlat siyosatining ustuvor yoʻnalishlaridan biri hisoblanadi hamda Oʻzbekiston Respublikasi Prezidenti tomonidan ushbu masalaga katta eʼtibor qaratilmoqda.

➡️ Ushbu yoʻnalishda samarali tizim yoʻlga qoʻyilgan boʻlib yoshlarni bandligini taʼminlash maqsadida hududlarda yer maydonlari ajratish hamda oʻzlarining faoliyatlarini yuritish uchun shart-sharoitlar yaratish boʻyicha ishlar amalga oshirilmoqda.

🗣 Shu munosabat bilan, Innovatsion rivojlanish vazirligi huzuridagi Yoshlar akademiyasi tomonidan qishloq xoʻjaligi sohasida startap
va innovatsion loyihalariga ega boʻlgan yoshlarning tashabbuslarini qoʻllab-quvvatlash orqali bandligini taʼminlash maqsadida “Qishloq xoʻjaligida yoshlarning innovatsion loyihalari” tanlovini eʼlon qiladi.

✅ Tanlovga quyidagi yoʻnalishlar boʻyicha loyihalar topshirilishi mumkin:

💠 Suv tejovchi texnologiyalarni qishloq xoʻjaligida ishlatish.
💠 Qishloq xoʻjaligi mahsulotlarni saqlash va qayta ishlash boʻyicha innovatsion yechimlar.
💠 Samaradorligi yuqori boʻlgan oʻgʻitli mahsulotlardan foydalanish.
💠 Issiqxona faoliyatini tashkil etishning innovatsion usullari.
💠 Bogʻdorchilik, polizchilik yoʻnalishidagi soʻngi texnologiyalar.
💠 Yangi avlod koʻchatlarni yetishtirish, koʻpaytirish va ekish.
💠 Qishloq xoʻjaligiga oid boshqa yoʻnalishlar.

❗️ Tanlov shartlari:
🔸Tanlovda 40 yoshdan oshmagan boʻlishi lozim.
🔸 Imtiyozli shartlarda yer maydoniga ega boʻlishi lozim.
🔸 1 ta ishtirokchi 1 ta loyiha bilan ishtirok etishi mumkin.

⏳ Tanlov boʻyicha loyihalar joriy yilning 8-mart sanasiga qadar qabul qilinadi.

📍 Kelib tushgan loyihalar ekspertlar tomonidan baholanadi va tanlab olinadi.

💰 Tanlov doirasida har bir loyiha uchun 50 mln soʻmgacha pul mablagʻlari ajratiladi.

🏆 Kelib tushgan loyihalar har hafta ekspertlar tomonidan baholanadi va eng yaxshi 25 tasi tanlab olinadi. Tanlov yakuni boʻyicha eng yaxshi 100 ta loyiha tanlab olinadi.

Ishtirokchilar tomonidan quyidagi hujjatlar taqdim etilishi lozim:

  1. Shaxsni tasdiqlovchi hujjat
  2. Jamoasi toʻgʻrisida maʼlumot (agar mavjud boʻlsa)
  3. Yer maydoni ajratilganligini tasdiqlovchi hujjat.
  4. Loyiha haqida taqdimot (10 ta slayddan oshmagan). Unda maqsadi, amalga oshirish usullari, moliyaviy va texnik koʻrsatkichlari, ajratilgan pul mablagʻini mazkur loyiha doirasida qanday innovatsion yechim uchun sarflanishini asoslash hamda kutilayotgan natija koʻrsatilishi lozim.
  5. Patent yoki sertifikat (agar mavjud boʻlsa).
  6. Loyihalarning respublikaning 13 ta hududi (Toshkent shahridan tashqari) kesimida qamroviga alohida eʼtibor qaratiladi.

📌 Tanlovda ishtirok etish uchun.

_______________
Yoshlar akademiyasi — Ilm-fan sohasiga o’z hissangni qo’sh

 

YUNESKOning “Yoshlar uchun Ipak yoʻli ilmiy-tadqiqot granti” tanlovida ishtirok eting

📣 Ushbu grant tashabbusi YUNESKO ishlari boʻyicha Xitoy Xalq Respublikasi Milliy komissiyasi tomonidan hamkorlikda amalga oshiriladi.

✅ Tanlovning asosiy maqsadi Ipak yoʻlidagi umumiy merosni yanada chuqurroq oʻrganish uchun yosh tadqiqotchilarni safarbar etish va ragʻbatlantirishdan iborat.

🏆 Tanlov doirasida 12 ta ilmiy-tadqiqot uchun 10.000 AQSH dollari miqdorida grantlar ajratiladi.

➡️ Tadqiqotlar quyidagi masalalarga bagʻishlangan boʻlishi lozim:

🔹 Ipak yoʻlidagi umumiy meros va turli oʻziga xosliklari;

🔹 Umumiy merosning ichki xilma-xilligi;

🔹 Umumiy merosning zamonaviy jamiyatlardagi ijodkorlik, madaniyatlararo muloqot, ijtimoiy hamjihatlik, mintaqaviy va xalqaro hamkorlikdagi salohiyati;

🔹 Barqaror tinchlik va rivojlanish.

❇️ Tanlov talablariga koʻra 35 yoshdan oshmagan tadqiqotchilar ishtirok etishi mumkin.

❇️ Taklif etilayotgan tadqiqot individual tadqiqotchi, tadqiqot guruhi tomonidan amalga oshirilayotgan yoki hamkorlikdagi tadqiqot loyihasining bir qismi boʻlishi mumkin.

➡️ Nomzodlar ariza shaklida oʻz tadqiqotlari, usullari, kutilayotgan natijalari va mavjud grant loyihasiga qoʻshadigan hissasi haqidagi batafsil maʼlumot va takliflarini aks ettirishi lozim.

📝 Ariza shakli ingliz tilida toʻldirilib, 2021-yilning 18-aprel kuniga qadar quyidagi manzilga yuborilishi lozim:

🌐 siIkroadsgrant@unesco.org

💠 Stipendiya sovrindorlari roʻyxati 2021-yilning iyun oyi oxirida eʼlon qilinadi.

❗️Barcha savollar boʻyicha quyidagi manzilga murojaat etishingiz mumkin:

🌐 silkroadsgrant@unesco.org.

📍 Batafsil ma’lumot uchun.

_______________
Yoshlar akademiyasi — Ilm-fan sohasiga o’z hissangni qo’sh

“Uchinchi renessans — yoshlar nigohida”

🗣 “Ilm va taʼlimning qadriga yetib, davlatimizda ilm va taʼlim oʻrganish bilan muhit yaratilsa, bobolarimizga munosib hayot va kelajakni qura olamiz!” — Sh.M. Mirziyoyev.

☑️ Davlatimiz rahbari tomonidan “Uchinchi Renessans”ning poydevori aynan yoshlar boʻlishini taʼkidlanganlari ham bejiz emas.

⭐️ “Uchinchi Renessans”nign ilk asoslarini yaratish maqsadida 2021 yil aynan “Yoshlarni qoʻllab-quvvatlash yili”dan boshlab har yili oliy taʼlim muassasalari talabalari oʻrtasida “Uchinchi renessans — yoshlar nigohida” loyihalar tanlovi tashkil etiladi.

⚡️Ushbu tanlov har yili 2 marotaba 4 bosqichda boʻlib oʻtadi:

✅ Fakultetlararo;

✅ Oliy taʼlim muassasalari oʻrtasida;

✅ Hududlar oʻrtasida;

✅ Yakuniy respublika bosqichi.

🟡 Talabalar tanlovda ishtirok etishlari uchun quyidagi uch yoʻnalishda oʻzlarining innovatsion loyihalarini topshirishlari mumkin:

✔️ Ajdodlar merosini oʻrganish va targʻib etishda innovatsion yondashuvlar;

✔️Oliy taʼlimda sifatli bilim olishdan talabalarning shaxsiy motivatsiyasi (manfaatdorligi)ni oshirish uchun oʻquv jarayoni va metodikasini oʻzgartirish yoʻllari;

✔️ Yoshlarni ilm-fanga qiziqtirishning noanʼanaviy usullari.

🏆Tanlov yakunlari boʻyicha gʻoliblarga 50 mln soʻm miqdorida mukofot pullari taqdim etiladi.

Oʻzbekiston Respublikasi oliy oʻquv yurtlari talabalari oʻrtasida “University cyber cup” musobaqasida ishtirok eting.

📣 Ajoyib yangilik, doʻstlar!

🤖 Oʻzbekiston kibersport assotsiatsiyasi, Yoshlar akademiyasi va boshqa tashkilotlar hamkorlikda Oʻzbekiston Respublikasi oliy oʻquv yurtlari talabalari oʻrtasida “University cyber cup” musobaqasi boshlanganligini eʻlon qiladi.

💰 Musobaqaning umumiy mukofot jamgʻarmasi 100 000 000 soʻmni tashkil etadi!

🌐 Musobaqaning maqsadi:

🔹 Yurtimizda elektron sportni qoʻllab-quvvatlash va rivojlantirish;
🔹 kibersportchilar mahoratini oshirish;
🔹 oliy oʻquv yurtlari oʻrtasidagi aloqalarni yanada mustahkamlash;
🔹 yoshlar orasida zamonaviy axborot texnologiyalarini ommalashtirish.

➡️ Musobaqa yoʻnalishlari:

🏆 CS: GO,
🏆 DOTA 2
🏆 PUBG MOBILE

❗️ Jamoalarni roʻyxatdan oʻtkazish: 2021-yil 10-yanvargacha amalga oshiriladi.

📍 Batafsil ma’lumot uchun.

______________
Yoshlar akademiyasi — Ilm-fan sohasiga o’z hissangni qo’sh

 

2×2 formatida FIFA20 turniri oʻtkaziladi

🗣 Davlatimiz rahbari tomonidan ilgari surilgan 5 ta muhim tashabbusning 3-yoʻnalishi “Aholi va yoshlar oʻrtasida kompyuter texnologiyalari va internetdan samarali foydalanishni tashkil etish”ni amalga oshirish hamda yurtimizda elektron kompyuter sportini yanada rivojlantirish maqsadida Innovatsion rivojlanish vazirligi tomonidan 2×2 formatida FIFA20 turniri oʻtkaziladi.

➡️ Ushbu turnirda ishtirok eting va bosh sovrin — Playstation4 egasi boʻling!

📆Sana: 03.12.2020

⌛️Vaqti: 11:00

📍 Manzil: Olmazor tumani, Universitet koʻchasi, Innovatsion rivojlanish vazirligi binosi

❗️Ishtirokchilar soni chegaralangan.

📝 Roʻyxatdan oʻtish.

______________
Yoshlar akademiyasi — Ilm-fan sohasiga o’z hissangni qo’sh

🌐 Andijonda “TechnoWays” start oldi.

📣 Yoshlar akademiyasi hamda Innovatsion ishlanmalarni joriy etish ilmiy-amaliy markazi tomonidan oʻrta hamda oliy taʼlim muassasalaridan ilmga chanqoq iqtidorli yoshlarni saralab olib, 20 kun davomida:
🔹 Robototexnika, Mexatronika
🔹 WEB DEV,
🔹 3D prototiplashtirish
🔹 Internet jihozlari
🔹 Marketing
🔹 IT
🔹 Game develop
🔹 Dasturlash (AKT)
🔹 Oziq-ovqat sanoati
🔹 Biotexnologiya
🔹 VR/AR
🔹 Qurilish materiallari
🔹 Muqobil energiya
🔹 Mashinasozlik, yoʻnalishlari boʻyicha va markazga tegishli boʻlgan 6 ta zamonaviy laboratoriyaning texnik imkoniyatlaridan foydalanib mutaxassislar tomonidan ishtirokchilarga barcha bilim va koʻnikmalar onlayn hamda amaliy tarzda beriladi.

🚀 “TechnoWays” marafonining asosiy afzalliklaridan yana biri shundaki, gʻoyasi yoʻq lekin, yangilik yaratishga qiziquvchan yoshlarga gʻoya yaratish oʻrgatiladi, qolaversa gʻoya bilan kelib uni qanday amaliyotga tatbiq qilishni bilmayotgan yoshlarga, ularning gʻoyalarini tayyor prototipga olib kelish oʻrgatiladi, tayyor prototipga olib kelingan loyihalarni esa amalga oshirishga tayyorgarlik oʻrgatiladi va yordam beriladi.

✅ Ixtirochi yoshlar uchun chegara qoʻyilmagan va xar qanday shakldagi loyihalar qabul qilinadi.

❗️ “TechnoWays” marafonining birinchi mavsumi oʻz samarasini yaxshi ifoda etganligi tufayli, “TechnoWays” marafonining ikkinchi mavsumini respublikaning 4 hududida Andijon, Toshkent viloyati, Sirdaryo viloyati hamda Toshkent shahrida oʻtkazish rejalashtirilmoqda

🗓 Marafon 20 kun davomida oʻtkaziladi.

📌 Marafonda ishtirokchilar jamoa sifatida qatnashib, mentorlar bilan birgalikda oʻz loyihalarini amaliyotga joriy qilish ustida ish olib boradilar.

🏆 Marafon soʻngida eng yaxshi loyihalar Yoshlar akademiyasi tomonidan bir martalik ragʻbatlantirish koʻzda tutilgan.

📍 Marafonda turli sohalar boʻyicha seminarlar tashkil etilib boriladi.
______________
Yoshlar akademiyasi — Ilm-fan sohasiga o’z hissangni qo’sh

🏆 “International Robotics Challenge 2020” musobaqasi gʻoliblari eʼlon qilindi.

✅ 2020-yil 3-8-noyabr kuni “International Robotics Challenge 2020” musobaqasida boʻlib oʻtdi. Musobaqalarda 11 ta davlatdan 200 nafarga yaqin yoshlar ishtirok etdi. Stairway from Heaven va Chimney yoʻnalishida Oʻzbekistondan 30 nafarga yaqin, Build the future yoʻnalishlarida 20 nafardan oshiq yoshlar qatnashdi.

📣 Mazkur musobaqaning gʻoliblari bilan tanishing!

🏅 Stairway from Heaven yoʻnalishi:

🥇 Elisa Fernanda Perez Alvarez (Meksika)

🥈 Pospelov Nikita (Tojikiston)

🥉 Kamalov Amin (Tojikiston)

🏅 Chimney yoʻnalishi:

🥇 Vasilyev Ilya (Rossiya)

🥈 Alekseyev Aleksey (Rossiya)

🥉 Nelyubin Aleksey (Rossiya)

🏅 Build the future (8-14) yoʻnalishi:

🥇 “Robot ofitsiant Merkutsio” loyihasi (Oʻzbekiston)
Loyiha mualliflari: Mustafo Ibragimov, Munisa Xadjiyeva, Railya Xasanova, Iris Yuldasheva

🥈 “Robocleaner” loyihasi (Qozogʻiston)
Loyiha muallifi: — Ashrapov Darmen

🥉 “RoboArm” loyihasi (Oʻzbekiston)
Loyiha muallifi: Rahimov Kamronbek

🏅 Build the future (15-30) yoʻnalishi:

🥇 “Mioelektrik qoʻl” loyihasi (Oʻzbekiston)
Loyiha mualliflari: Behzod Abdurahmonov, Komiljon Gʻulomov

🥈 “Autonomous Mobile Robot for Mine detection” loyihasi (Afgʻoniston)
Loyiha mualliflari: Emal Valizada, Rabia Sadat

🥉 “Komanda SDUMM” loyihasi (Rossiya)
Loyiha muallifi: Yana Gerasimenko

⚡️ “International Robotics Challenge 2020” musobaqasi gʻoliblari diplom va sovgʻalar bilan taqdirlandilar. Mazkur musobaqada ishtirok etgan oʻzbekistonlik yoshlarga “WRO 2020” robototexnika boʻyicha jahon olimpiadasida ishtirok etish huquqini beruvchi litsenziyalar taqdim etildi.
______________
Yoshlar akademiyasi — Ilm-fan sohasiga o’z hissangni qo’sh

 

📣🗣 “Innovatsion g‘oyalar yetakchisi” koʻkrak nishonining 2020-yilgi gʻoliblarini e’lon qilamiz.

➡️ Oʻzbekiston Respublikasi Vazirlar Mahkamasining “Innovatsion gʻoyalar yetakchisi” koʻkrak nishonini taʼsis etish chora-tadbirlari toʻgʻrisida” 2018-yil 2 oktyabrdagi 786-son qarori bilan “Innovatsion gʻoyalar yetakchisi” koʻkrak nishoni taʼsis etilgan.

🔸 Joriy yil respublika miqqiyosida 428 ta loyihalar ko’rib chiqilgan bo’lib, yakunida Respublika Komissiyasi aʼzolari tomonidan har bir hududdan eng munosib 14 nafar nomzodlar “Innovatsion gʻoyalar yetakchisi” koʻkrak nishoni g’olibi deb topildi.

🏆 Hududlar kesimida “Innovatsion gʻoya yetakchisi” koʻkrak nishonining 2020-yilgi gʻoliblari:

🏅 Qoraqalpogʻiston Respublikasi –Seitnazarov Kuanishbay Kenesbayevich.
🏅 Andijon viloyati – Abdurashidov Abdurauf Abdurashid oʻgʻli.
🏅 Buxoro viloyati – Ismoilov Ibodjon Imomjonovich.
🏅 Jizzax viloyati – Egamberdiyev Fazliddin Otakulovich.
🏅 Navoiy viloyati – Abjalova Manzura Abdurashetovna.
🏅 Namangan viloyati – Rashidov Raxmatullo Aʼlojonovich.
🏅 Qashqadaryo viloyati – Fayzullayev Xayriddin Alimurodovich.
🏅 Samarqand viloyati – Xamrayev Sanjar Suxrobovich.
🏅 Sirdaryo viloyati – Ergashev Maʼrufjon Maxammatjanovich.
🏅 Surxondaryo viloyati – Xolboyeva Aziza Ixtiyarovna
🏅 Toshkent viloyati – Shermatova Iroda Baxtiyor qizi
🏅 Fargʻona viloyati – Djalilov Baxromjon Odiljonovich
🏅 Xorazm viloyati – Yoʻldoshev Hakimboy Yarashbayevich
🏅 Toshkent shahri – Mirzaliyev Sanjar Maxamatjon oʻgʻli
______________
Yoshlar akademiyasi — Ilm-fan sohasiga o’z hissangni qo’sh

📣 Robototexnika boʻyicha xalqaro onlayn musobaqada ishtirok eting!

🌐 Oʻzbekiston Respublikasi Innovatsion rivojlanish vazirligi tomonidan “InnoWeek” haftaligi doirasida anʼanaviy tarzda oʻtkazib kelinayotgan Robotics Challenge IRC musobaqasining bellashuvlari 2020-yilning 3-8-noyabr kunlari onlayn boʻlib oʻtadi.

🔹 Musobaqa doirasida turli xil yoʻnalishlarda innovatsion loyihalar taqdimoti, treninglar, xalqaro robototexnika musobaqalari boʻlib oʻtadi.

📝 Arizalari www.robochallenge.uz rasmiy sayti orqali qabul qilinadi.

❗️ International Robotics Challenge IRC 4 yo’nalishda oʻtkaziladi:

🤖 Falakdan narvon — Stairway from Heaven (8-12 yosh)

🤖 Moʻri — Chimney (13-16 yosh)

🤖 Kelajakni qurish — Build the Future (8-14 yosh), (14-30 yosh)

🤖 Robotlar olamiga sayohat — Journey to the world of robotics

✅ Ishtirok etish istagidagi talabgorlar musobaqa yo’nalishlarini tanlashlari lozim.

🔹 Bizga qo’shiling, bellashing va g’olib bo’ling!
____________
Yoshlar akademiyasi — Ilm-fan sohasiga o’z hissangni qo’sh

 

Yosh olimlarning amaliy va innovatsion loyihalari tanlovi

Oʻzbekiston Respublikasi Innovatsion rivojlanish vazirligi iqtidorli yosh olimlarning ilmiy-innovatsion faoliyatini qoʻllab-quvvatlash maqsadida ilmiy-tadqiqot ishlariga davlat buyurtmasi talablariga muvofiq yosh olimlarning amaliy va innovatsion loyihalari tanlovini quyidagi fan yoʻnalishlari boʻyicha qayta eʼlon qilinadi

  1. Axborotlashtirish va axborot-kommunikatsiya texnologiyalarini rivojlantirish fanlari.
  2. Tibbiyot fanlari.
  3. Matematika, fizika va mexanika fanlari.
  4. Biologiya fanlari.
  5. Farmakologiya va farmatsevtika fanlari.
  6. Yer toʻgʻrisidagi fanlar.

Tanlovning asosiy maqsadi – iqtidorli va isteʼdodli yosh olimlarning ilmiy-tadqiqot faoliyati natijalari va tashabbuslarini davlat tomonidan qoʻllab-quvvatlash, ularning ilmiy izlanishlari uchun zarur shart-sharoitlarni yaratib berish hamda salohiyatli yoshlarni ilm-fanga keng jalb etishdan iborat.

Mazkur tanlov Oʻzbekiston Respublikasi Prezidentining “Yoshlarni ilm-fan sohasiga jalb etish va ularning tashabbuslarini qoʻllab-quvvatlash tizimini takomillashtirish chora-tadbirlari toʻgʻrisida” 2019-yil 30-avgustdagi PQ-4433-son qarori hamda Oʻzbekiston Respublikasi Vazirlar Mahkamasining “Ilmiy-tadqiqot va innovatsion faoliyatni rivojlantirishning normativ-huquqiy bazasini yana-da takomillashtirish chora-tadbirlari toʻgʻrisida” 2020-yil 9-martdagi 133-son qarorida belgilangan talablarga muvofiq oʻtkaziladi.

Tanlov shartlari

Tanlovga taqdim etiladigan amaliy va innovatsion loyihalar quyidagi talablarga javob berishi zarur:

1) loyiha ijrochilariga qoʻyiladigan talablar:

loyihaning barcha aʼzolari Oʻzbekiston Respublikasi Innovatsion rivojlanish vazirligi huzuridagi Yoshlar akademiyasi aʼzosi boʻlishi. Akademiyaga aʼzo boʻlish uchun Yoshlar akademiyasining rasmiy veb-sahifasi yoshlarakademiyasi.uz saytidan roʻyxatdan oʻtish zarur;

loyiha ijrochilarining yoshi ularning ilmiy darajasi, unvoni, mansabi va ish joyidan qatʼi nazar 40 yoshdan oshmasligi;

loyiha ijrochilari tarkibiga ilmiy stajyor lavozimining kiritilgani;

loyiha doirasida uning ijrochi tashkilotining asosiy shtatidagi xodimlari tarkibidan kiritilgan ijrochilardan kamida bittasi tomonidan falsafa doktori (PhD) yoki fan doktori (DSc) ilmiy darajasini olish boʻyicha dissertatsiyani tayyorlash va himoya qilish rejasining mavjudligi;

Loyiha doirasida ajratiladigan mablagʻlarning ish haqidan tashqari kamida 40 foizi ilmiy asbob-uskunalar, xom-ashyolar hamda boshqa zarur materiallarni xarid qilish va natijada yuqori qiymatga ega, tijoratlashtirish imkoni yuqori boʻlgan yangi mahsulot (xizmat)larni ishlab chiqarishni taʼminlashga yoʻnaltirilganligi. Bunda loyiha doirasida ilmiy laboratoriyalarni zamonaviy asbob-uskunalar bilan jihozlash boʻyicha aniq reja loyihaga ilova qilinishi lozim.

2) loyiha mazmuni quyidagi talablarga mos boʻlishi zarur:

ilmiy loyihaning tanlov mavzusiga mos tarzda ishlab chiqilganligi;

ilmiy loyihaning tanlov shartlariga muvofiq shakllantirilganligi.

Koronavirus pandemiyasi sababli respublikamizda eʼlon qilingan karantin sharoitida loyihalar www.fan-portal.uz veb-sahifasi orqali 2020-yilning 16 noyabrgacha faqat elektron shaklda qabul qilinadi.

Bunda quyidagi hujjatlarning asl nusxasi skaner qilinib, pdf shaklida www.fan-portal.uz veb-sahifasiga yuklanishi lozim:

ijrochi tashkilotning yuqori turuvchi vazirlik/idorasi rahbari (oʻrinbosari) tomonidan imzolangan yoʻllanma xat;

ijrochi tashkilotning ilmiy (ilmiy-texnik) kengashi qaroridan koʻchirma;

amaliy yoki innovatsion loyiha matni (imzo va muhr qoʻyilgan holda).

Loyiha matni A4 formatdagi standart qogʻoz varagʻining ikki tomonida joylashishi va qoida tariqasida 1,15 qator oraligʻida yozilishi lozim. Har bir bet yuqoridan va pastdan 2 sm; chapdan 3 sm; oʻngdan 1,5 sm hoshiyaga ega; xatboshi 1,27 sm ga teng va bir xilda boʻlishi lozim.

Matnni tayyorlashda “Times New Roman” 12 oʻlchamli shriftda “Misrosoft Word” matn redaktoridan foydalanish tavsiya qilinadi.

Betlar titul varagʻidan boshlab oxirgi varaqqacha izchil ketma-ketlikda raqamlanadi. Betning tartib raqami varaqning pastki oʻng burchagida
2 raqamidan boshlab yoziladi. Titul varagʻiga 1 raqami qoʻyilmaydi.

Loyihaning har bir talab qilingan hujjati va boshqa tarkibiy qismlari yangi betdan rasmiylashtiriladi.

Loyiha rahbari va ishtirokchilarining mezonlarda talab qilingan ilmiy ishlar roʻyxati (oxirgi 3 yil davomidagi nashrlar quyidagi xronologik tartibda keltirilib, izchil ketma-ketlikda raqamlanadi: monografiya; patent; ilmiy maqola; ilmiy toʻplamlar va boshqa nashr ishlari) 3.4-shaklga qatʼiy rioya qilingan holda rasmiylashtiriladi va muallif, ilmiy kotib tomonidan imzolanib, tashkilot muhri bilan tasdiqlanadi.

Taqdim etilgan loyihalar tanlov talablariga qatʼiy rioya qilinganligi, loyiha materiallarining ishonchliligi va haqqoniyligi, koʻchirmachilikka (plagiat) yoʻl qoʻyilmaganligi, belgilangan talablar asosida shakllantirilganligi boʻyicha dastlabki texnik ekspertizadan oʻtkaziladi.

Dastlabki texnik ekspertizadan oʻtmagan loyihalar tanlovning keyingi bosqichiga tavsiya etilmaydi.

Taqdim etilgan loyihalardagi maʼlumotlarning haqqoniyligi va ishonchliligi hamda tijoratlashtirish darajasi, tanlov dasturlari vazifalarida belgilangan, kutilayotgan natijalarni toʻla va oʻz vaqtida sifatli bajarilishiga ilmiy loyiha rahbarlari, ilmiy loyihani bajaruvchi tashkilot rahbarlari va tegishli yuqori turuvchi tashkilotlarning masʼul xodimlari javobgar hisoblanadilar.

Tanlov mavzusi boʻyicha bitta loyiha kelib tushgan taqdirda ushbu mavzu boʻyicha qayta tanlov eʼlon qilinadi. Uning natijasi boʻyicha ham yangi loyiha kelib tushmasa, dastlab kelib tushgan loyiha rahbari bilan muzokara oʻtkazilib, salohiyatiga koʻra keyingi bosqichga tavsiya etiladi.

Eslatma:

Tanlovga taqdim etilgan loyihalarning natijalari toʻgʻrisidagi maʼlumot www.mininnovation.uz veb-saytida “Tanlovlar” ruknining “Tanlov natijalari” interaktiv xizmati orqali taqdim etib boriladi.

www.fan-portal.uz veb-portali orqali elektron roʻyxatdan oʻtkazish bilan bogʻliq texnik masalalar boʻyicha Innovatsion rivojlanish vazirligining qoʻllab-quvvatlash xizmati – Axborot texnologiyalarini joriy etish boʻlimi: (71) 203-32-23 (620, 621), (90) 993-99-32, (99) 899-39-96.