Dilrabo Abdukhaparova

🌐 Jizzax viloyati IT parkida yoshlarning loyihalari taqdimoti bo‘lib o‘tdi

💠 Uchrashuv Yoshlar akademiyasi tomonidan yoshlarning ishlab chiqilgan innovatsion ishlanmalarni munosib baholash, sog‘lom raqobat muhitini yaratish hamda ularni moddiy-ma’naviy rag‘batlantirish maqsadida tashkil etilgan bo‘lib, unda 50 ga yaqin loyihalar tinglandi.

🔹 Mazkur tadbir ishtirokchilari uchun o‘zlarining innovatsion biznes g‘oyalari, loyihalari va ishlanmalari hamda uning samarasi uchun yangi g‘oyalar, original yechimlar manbasi va muloqot maydonchasi bo‘lib xizmat qildi.

📍 Eng yaxshi saralab olingan loyihalar seedfunding, startap va yosh olimlar tanloviga yo’naltiriladi.

_______________
Yoshlar akademiyasi — Ilm-fan sohasiga o’z hissangni qo’sh

 

“Kelajak liderlari” maxsus malaka oshirish oʻquv dasturining tinglovchilari bilan uchrashuv tashkil etildi

🌐2021-yil 20-fevral kuni Innovatsion rivojlanish vazirligi huzuridagi Yoshlar akademiyasi tomonidan Davlat boshqaruvi akademiyasi “Kelajak liderlari” maxsus malaka oshirish oʻquv dasturining tinglovchilari bilan uchrashuv tashkil etildi.

💠 Uchrashuv doirasida Innovatsion rivojlanish vaziri oʻrinbosari Olimjon Toʻychiyev tinglovchilarga vazirlik faoliyati, mamlakatimiz yoshlarini qoʻllab-quvvatlash maqsadida Yoshlar akademiyasi tomonidan yaratib berilayotgan imkoniyatlar, vazirlik tomonidan eʼlon qilib boriladigan ilmiy-amaliy innovatsion loyihalar tanlovlarida ishtirok etish va loyihalarni topshirish tartibi toʻgʻrisida ma’lumotlar berdi. Tadbir soʻngida ishtirokchilar tomonidan berilgan takliflar eshitildi va savollarga toʻliq javob berildi.

______________
Yoshlar akademiyasi — Ilm-fan sohasiga o’z hissangni qo’sh

 

Yoshlar akademiyasi Jizzax politexnika institutida uchrashuv tashkil etdi

📣 2021-yil 22-fevral kuni Yoshlar akademiyasining Jizzax politexnika instituti talabalari, yosh olimlari hamda iqtidorli yoshlari bilan uchrashuv boʻlib oʻtdi.

🚀 Tadbirda Yoshlar akademiyasi tomonidan tashkil etilayotgan “Urban Tech” xakatonining hududiy bosqichiga start berildi.

🔹 Shuningdek, tadbir doirasida “2020-yil uchun 20 ta eng yaxshi startap” loyihalar tanlovida Jizzax viloyatidan gʻolib boʻlgan 3 nafar loyiha egalari taqdirlandi.

______________
Yoshlar akademiyasi — Ilm-fan sohasiga o’z hissangni qo’sh

Yoshlar akademiyasi tomonidan Davlat bojxona qoʻmitasining Bojxona instituti talabalari bilan uchrashuv tashkil etildi

🌐 Innovatsion rivojlanish vazirligining mamlakatimizda ilm-fan va innovatsiyalar sohasida olib borilayotgan ishlar toʻgʻrisida axborot berish hamda yurtimizda yoshlarning intellektual va ijodiy salohiyatini mustahkamlash, ularning mamlakatimizda amalga oshirilayotgan islohotlarga daxldorligini oshirish maqsadida Yoshlar akademiyasi tomonidan Davlat bojxona qoʻmitasining Bojxona instituti talabalari bilan uchrashuv tashkil etildi.

🔹 Uchrashuv davomida ishtirokchilar Yoshlar akademiyasi a’zolari tomonidan ishlab chiqilgan loyihalar bilan tanishtirildi hamda oʼzlarini qiziqtirgan savollarga toʼliq javob olishdi.

_____________
Yoshlar akademiyasi — Ilm-fan sohasiga o’z hissangni qo’sh

 

Italiya texnoparklari bilan aloqalar oʻrnatilmoqda

Innovatsion rivojlanish vazirligi tashabbusi hamda Oʻzbekiston Respublikasining Italiyadagi elchixonasi koʻmagida Italiya texnoparklari va Oʻzbekistondagi mavjud texnoparklar oʻrtasida xalqaro hamkorlikni yoʻlga qoʻyish va istiqbolli aloqalarni rivojlantirish masalalari boʻyicha onlayn uchrashuv tashkil etildi. Uchrashuvda Oʻzbekiston va Italiya davlatlari oʻrtasida innovatsion infratuzilmalar xususan, texnoparklar, innovatsion markazlar, ilmiy parklar sohasida xalqaro hamkorlikni rivojlantirish hamda qoʻshma dasturlar va istiqbolli startap loyihalarni birgalikda amalga oshirish masalalari muhokama qilindi.

Mazkur uchrashuvda Innovatsion rivojlanish vaziri oʻrinbosari O.Toʻychiyev, Oʻzbekistonning Italiya Respublikasidagi Favqulodda va muxtor elchisi O.Akbarov va vazirlikning tegishli boshqarmasi xodimlari, Yashnobod innovatsion texnoparki vakillari bilan bir qatorda Italiya tomonidan “Italiya-Oʻzbekiston” savdo-sanoat palatasi raisi Luidji Iperti, InnovUp innovatsion va startaplar uyushmasi rahbari oʻrinbosari Fabritsio Konichella, Italiyaning AREA Science Park, Hub Innovazione Trentino, Bioindustry Park Canavesse, Tecnologico di Navacchio kabi texnoparklar direktorlari ishtirok etishdi.

Taʼkidlash joizki, InnovUp Italiyaning ilgʻor innovatsion va startaplarni rivojlantirish ekotizimi boʻlib, u oʻz ichiga innovatsion markazlar, ilmiy texnoparklar, kichik va oʻrta biznes vakillari, inkubatorlar, akseleratorlar, investorlarni birlashtirgan innovatsion tarmoqlar birlashmasi hisoblanadi.

Tadbirda Oʻzbekiston va Italiya texnoparklari vakillari oʻzlarining taqdimotlari bilan ishtirok etishdi va yangi loyihalarda hamkorlikni yoʻlga qoʻyish hamda kelgusida startaplarni qoʻllab-quvvatlash, vebinarlar, mutaxassislar almashuv dasturlari, xususiy sektor va davlat sektorlari oʻrtasida hamkorlik (PPP cooperation) boʻyicha ham aloqalarni kengaytirish masalalariga qiziqish bildirildi.

Mazkur uchrashuv davomida hozirgi kunda Innovatsion rivojlanish vazirligi tomonidan ishlab chiqilgan Oʻzbekiston Respublikasining “Startaplar toʻgʻrisida”gi qonun loyihasi yuqori baholandi va qonun loyihasi yuzasidan oʻzlarining takliflarini va kelgusida ushbu Qonun loyihasini takomillashtirishda koʻmaklashishga tayyor ekanligini bildirishdi.

– 2012-yili Italiyada “Startaplar toʻgʻrisida”gi qonuni qabul qilingach mamlakatimizda startap loyiha va kompaniyalarning sonini sezilarli darajada ortdi, – dedi Italiyaning InnovUp innovatsion va startaplar uyushmasi rahbari Fabritsio Konichella. – Qonun startaplarni toʻliq qoʻllab-quvvatlashda huquqiy hujjat boʻlib xizmat qilmoqda. Mazkur hujjat mamlakatda yangi innovatsion loyihalarni rivojlantirish, mahsulotlarni tijoratlashtirish, yangi xizmat turlarini joriy etishni kengaytirishga moʻljallangani bilan muhim. Oʻz oʻrnida Italiyada yangi loyihalarni amaliyotga joriy etishda ilmiy parklar, texnoparklar va oliy taʼlim muassasalari hamkorligi yuqori darajada.

Italiya tomonining startap loyihalarni amaliyotga joriy etishdagi ilgʻor tajribalaridan kelib chiqib, Innovatsion rivojlanish vazirligi mazkur sohada oʻzaro hamkorlikni yoʻlga qoʻyish boʻyicha kelishuvga erishdi.

Uchrashuv yakunida Innovatsion rivojlanish vazirligi huzuridagi “Yashnobod” innovatsion texnoparki bilan Italiyaning InnovUp innovatsion va startaplar uyushmasi texnoparklar oʻrtasidagi hamkorlikni, startap loyihalarni rivojlantirish va oʻzaro tajriba va innovatsion loyihalar almashish tizimini joriy qilish boʻyicha anglashuv Memorandumini tayyorlash va oʻzaro imzolash hamda kelajakda ushbu sohada Italiya—Oʻzbekiston hamkorligini kuchaytirishga kelishib olindi.

Ohangaron Yoshlar texnoparki ochilish marosimi boʻlib oʻtdi

2021-yil 17-fevral kuni Ohangaron shahridagi Toshkent viloyati Yoshlar texnoparkining ochilish marosimi boʻlib oʻtdi. Unda yoshlar, Innovatsion rivojlanish vazirligi va Toshkent viloyati hokimiyati masʼullari, koʻplab OAV vakillari ishtirok etdilar. Tadbirni Oʻzbekiston Respublikasi Innovatsion rivojlanish vaziri oʻrinbosari Olimjon Toʻychiyev va Toshkent viloyati hokimi v.b. Davron Hidoyatov ochib berdi.

– Ohangaron shahrida barpo etilgan Yoshlar texnoparki oʻquvchi va talabalarning, kasb oʻrganayotgan yoshlarimizning texnik yoʻnalishdagi loyihalarni qoʻllab-quvvatlash, yoshlarni muhandislik sohasiga qiziqishini oshirish, bor bilimlarini mustahkamlash va amaliyotga joriy etish maqsadida barpo etildi, – dedi O. Toʻychiyev. – yoshlarning bu dargohda erishgan yutuqlari, amalga oshirgan loyihalari, gʻoyalarni mahsulotga aylantirish yoʻlidagi ishlarning bari Respublikamizning boshqa hududlarida ham ochilishi kerak boʻlgan Yoshlar texnoparkiga namuna boʻladi. Birinchi boʻlish qiyin va masʼuliyatli. Mana shu birinchilikni har jabhada saqlab qolishingizni, yaratilgan imkoniyatlardan foydalanib, jamiyatimiz, xalqimiz va vatanimiz uchun foydali ishlanmalar yaratishingizni tilab qolaman.

Hududlarda tashkil etilayotgan Yoshlar texnoparkining asosiy maqsadi yoshlarni intellektual, ilmiy, ijodiy salohiyatini oshirish, yoshlarning oʻz intellektual salohiyatini namoyon qilishi va ijtimoiy moslashuvi uchun zarur sharoitlar yaratish, ularni zamonaviy kasb-hunarga yoʻnaltirish hamda bandligini taʼminlash hisoblanadi. Hozirda Innovatsion rivojlanish vazirligi tomonidan hududlardagi Yoshlar texnoparklari bosqichma-bosqich tashkil etilmoqda. Yoshlar texnoparklari hududlardagi yoshlarni innovatsion faoliyatga keng jalb qilish, ilm-fan, taʼlim va ishlab chiqarish integratsiyasini chuqurlashtirishga katta turtki boʻlishi hamda uning ijtimoiy va iqtisodiy salohiyatini oshirishi kutilmoqda.

Yoshlar texnoparklarining ilk qaldirgʻochi Toshkent viloyati Yoshlar texnoparki Ohangaron shahrida qurib bitkazildi. Innovatsion rivojlanish vazirligi mablagʻlari hisobidan zamonaviy laboratoriya uskunalari hamda texnikalari xarid qilindi. Ushbu texnoparkda yoshlar robototexnika va mexatronika, elektronika, 3D prototiplashtirish, 3D modellashtirish, dasturlash kabi kelajak kasblari boʻyicha taʼlim olishadi. Ushbu yoʻnalishlar boʻyicha oʻz loyihalarini ishlab chiqishadi, loyihalarning akseleratsiya jarayonlarini amalga oshiradi hamda tijoratlashtiradi. Ohangaron shahridagi Yoshlar texnoparki Toshkent viloyati miqyosida faoliyat yuritadi. Toshkent viloyatidagi shaharlar va qishloqlar bir-biridan anchayin uzoq masofada joylashgani uchun Innovatsion rivojlanish vazirligining “TexnoBus” mobil taʼlim platformasi viloyatning turli hududlarida yoshlarga zamonaviy yoʻnalishlarda taʼlim beradi hamda iqtidorli yoshlarni Toshkent viloyati Yoshlar texnoparkiga jalb etadi.

Toshkent viloyati Yoshlar texnoparki direktori Oybek Toʻychiyev tadbir ishtirokchilarini texnoparkning kelgusi rejalari haqida gapirdi. Texnoparkka kelgan yoshlar oʻz takliflari, xohish va istaklarini izhor etdilar. Xususan yosh olimlarning xorijiy ilmiy nashrlarda maqolalarini chiqarish boʻyicha xarajatlarini qoplash, texnoparkda akademik ingliz tili kurslarini tashkil etish masalalari koʻtarildi va ularga ijobiy yechimlar topildi. Ohangaron shahar hokimi Yoshlar texnoparki aʼzolariga 10 ta zamonaviy noutbuk taqdim etdi.

 

Qoraqalpogʻiston Respublikasi, Nukus shahri Yoshlar markazida uchrashuv boʻlib oʻtdi

🌐  2021-yil 14-fevral sanasida Yoshlar akademiyasining Qoraqalpogʻiston Respublikasi, Nukus shahri Yoshlar markazida hududdagi oliy oʻquv yurti talabalari, yosh olimlar, iqtidorli va tashabbuskor yoshlari bilan uchrashuvi boʻlib oʻtdi.

💠 Tadbirda hududdagi mavjud muammolarni oʻrganish hamda innovatsion yechimini topish maqsadida hududiy “Urban.Tech Uzbekistan” xakatoniga start berildi.

➡️ “XAKATON” musobaqalarini tashkil etish orqali yoshlarning hududlardagi mavjud muammolarga nisbatan daxldorligini oshirish, yangi innovatsion yechimlar ishlab chiqishlari uchun ularning tashabbuslari va takliflariga davlat eʼtiborini yana-da kuchaytirish koʻzda tutilgan.

💠 Shuningdek, uchrashuv mobaynida ishtirokchilar tomonidan loyihalar taqdimoti oʻtkazildi va eng yaxshi loyiha egalari Yoshlar akademiyasi a’zoligiga tavsiya etildi.

______________
Yoshlar akademiyasi — Ilm-fan sohasiga o’z hissangni qo’sh

 

Urgench shahri Yoshlar markazida yoshlar bilan uchrashuv boʻlib oʻtdi

🌐 2021-yil 13-fevral sanasida Yoshlar akademiyasining Xorazm viloyati, Urgench shahri Yoshlar markazida hududdagi oliy oʻquv yurti talabalari, yosh olimlar, iqtidorli va tashabbuskor yoshlari bilan uchrashuvi boʻlib oʻtdi.

💠 Uchrashuv mobaynida ishtirokchilarga Yoshlar akademiyasi tomonidan yaratib berilayotgan imkoniyatlar, shart-sharoitlar toʻgʻrisida maʼlumot taqdim etildi hamda ishtirokchilar tomonidan loyihalar taqdimoti oʻtkazildi va eng yaxshi loyiha egalari Yoshlar akademiyasi a’zoligiga tavsiya etildi.

➡️ Shuningdek, hududdagi mavjud muammolarni oʻrganish hamda innovatsion yechimini topish maqsadida hududiy “Urban.Tech Uzbekistan” xakatoniga start berildi.

 

__________
Yoshlar akademiyasi — Ilm-fan sohasiga o’z hissangni qo’sh

 

Akseleratsiyasi dasturiga start berildi

🚀 2021-yil 11-fevral kuni Yoshlar akademiyasi “Shinsedae” yoshlar markazi va “Yaran Consulting” kompaniyasi bilan hamkorlikda “2020-yilgi 20 ta eng yaxshi startap” loyihalar tanlovi gʻoliblari uchun startap loyihalar akseleratsiyasi dasturiga start berildi.

❇️ 3 haftalik dastur doirasida ishtirokchilar:

🔸 Gʻoyani tanqidiy tahlil qilish;

🔸 Jamoa bilan ishlash;

🔸 Professional murabbiylar bilan ishlash;

🔸 Oʻzbekiston Respublikasi hududida uni amalga oshirish boʻyicha biznes-rejani ishlab chiqishga oʻrganadilar.

➡️ Dastur startap loyihani faol rivojlanishiga noyob yo‘nalishni ta’minlaydi, shuningdek, ishtirokchilar mutaxassislardan biznes tajribasini olish, mahsulotni intellektual mulk sifatida rasmiylashtirish hamda keng hamkorlik tarmog‘ini rivojlantirish borasida ham koʻnikmalarga ega boʻladi.

“2020-yilga eng yaxshi 20 ta startap” loyihalar tanlovi gʻoliblari

📣 E’tiboringizga Yoshlar akademiyasining “2020-yilga eng yaxshi 20 ta startap” loyihalar tanlovi gʻoliblarini taqdim etamiz.

🏆 Rasulova Munisa – “LOGOS” afaziyani tiklashga moʻljallangan oʻzbek tilida birinchi milliy mobil ilova

🏆 Abdurahimov Abdulaziz – Universal o’lchov vositalari

🏆 Boboyev Muhammadayubxon – plagiat,uz

🏆 Gʻulomjonov Farruxbek – Meva va sabzavotlarni uzoq muddat saqlash uchun moʻljallangan “Kamera”

🏆 Mirzaalimov Navruzbek – Keng maqsadlar uchun 3D formatli yuqori samarador quyosh fotoelektrik energetik qurilmasi

🏆 Turdimurodova Maftuna – Antifriz GA-39

🏆 Samiyev Luqmon – Orol boʻyi hududlaridagi yaroqsiz yerlarni “Waterbox” qurilmasi orqali suv resurslarini tejab koʻkalamzorlashtirish

🏆 Zoirov Oʻlmas – Brayl displeyi

🏆 Avezov Muhiddin – Polipoz rinosinusitlarni tashxislash va davolashni takomillashtirish

🏆 Boboqandov Hoshimbek – Ortodontiyada ishlatiladigan mikroimplantlarni ishlab chiqarish

🏆 Boynazarov Bekzod – Gidroturbonasos qurilmasi yordamida qishloq xoʻjaligi yerlarini elektr energiya sarfisiz sugʻorish tizimi

🏆 Rahmonberdiyev Islombek – MedQ

🏆 Zuxriddin Muradov – Innovatsion turdagi temirbeton toʻsinlarni ishlab chiqarish

🏆 Manopov Xasan – Geodezik oʻlchash jurnallarini hisoblashni avtomatlashtirish dasturiy taʼminoti

🏆 Tavboyev Islom – Gʻoʻzapoya yigʻishtirish qurilmasi

🏆 Uzbekov Mirsoli – Quyosh energiyasi asosida bino va inshootlarning sovitish tizimini ishlab chiqish

🏆 Hafizov Erkin – Qayta tiklanuvchi energiya manbalaridan past tezlikdagi oqimlarda elektr energiyani hosil qiluvchi generator

🏆 Eshmurodov Dilmurod – Tabiiy xususiyatlarini saqlab qolish uchun xom paxtani havodan ajratish jarayonini takomillashtirish

🏆 Baxromov Asil – Suv va tuproqning shoʻrligini aniqlab beruvchi konduktometr ishlab chiqish

_______________
Yoshlar akademiyasi — Ilm-fan sohasiga o’z hissangni qo’sh