25-noyabr kuni “InnoWeek.Uz-2021” Xalqaro innovatsion gʻoyalar haftaligi doirasida “Innovatsion gʻoyalar yetakchisi” koʻkrak nishoni sovrindorlarini hamda Yoshlar akademiyasi tomonidan tashkil etilgan “Boʻlajak olim” tanlovi doirasida startap loyihalar tanlovi gʻoliblarini taqdirlash marosimi boʻlib oʻtdi.
Joriy yilgi koʻkrak nishoni tanlovida ishtirok etish uchun nomzodlardan hujjatlar qabul qilish jarayoni onlayn tartibda amalga oshirildi. Respublika tumanlari va oliy taʼlim muassasalariga jami 515 nafar ishtirokchi hujjatlar topshirdi. Tuman va oliy taʼlim muassasalarida tashkil etilgan komissiyalar tomonidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga eng yaxshi jami 117 nafar nomzodlarning loyihalari topshirildi.
“Innovatsion gʻoyalar yetakchisi” koʻkrak nishoni bilan taqdirlanishga Qoraqalpogʻiston Respublikasi, viloyatlar va Toshkent shahri hokimliklaridan tavsiya etilgan 44 nafar nomzodlarning loyihalari va hujjatlari respublika komissiyasi aʼzolari tomonidan yakka tartibda koʻrib chiqildi hamda baholandi. Komissiya aʼzolari qaroriga muvofiq har bir hududdan 1 nafardan, umumiy 14 nafar eng yuqori ball toʻplagan nomzodlar “Innovatsion gʻoyalar yetakchisi” koʻkrak nishoni bilan taqdirlandi.
Shu bilan birga, “Boʻlajak olim” tanlovi doirasida startap loyihalar boʻyicha moliyalashtirishga tavsiya etilgan startap loyihalar gʻoliblarini, “General Lesson” oʻquv markazi nomidan 5 nafar qizdan iborat IT-Queens jamoasi 2021-yilda Moskva shahrida tashkil etilgan yoshlar uchun sunʼiy intellekt boʻyicha xalqaro tanlovda ishtirok etib, maxsus “Data Lady” nominatsiyasi boʻyicha sovrinli oʻrinni qoʻlga kiritganlarni Yoshlar akademiyasi aʼzoligiga qabul qilish va ularga aʼzolik sertifikatlarini topshirildi.
“Innovatsion gʻoyalar yetakchisi” koʻkrak nishoni gʻoliblari
| T/r | F.I.Sh. | Hudud |
| 1. | Kaliyev Nadjibulla Muratovich | Qoraqalpogʻiston Respublikasi |
| 2. | Mirzaxmedov Xumoyun Baxtiyorjon oʻgʻli | Andijon viloyati |
| 3. | Raxmatova Dilnora Saidjonovna | Buxoro viloyati |
| 4. | Imomova Dildora Shuxrat qizi | Jizzax viloyati |
| 5. | Kamalova Dilnavoz Ixtiyorovna | Navoiy viloyati |
| 6. | Rustamova Shohista Omonjonovna | Namangan viloyati |
| 7. | Qoʻziyev Nodir Murodillayevich | Qashqadaryo viloyati |
| 8. | Qurolova Norigul Ravshan qizi | Samarqand viloyati |
| 9. | Ergasheva Farogʻat Sheraliyevna | Sirdaryo viloyati |
| 10. | Urazov Mustafoqul Kulturayevich | Surxondaryo viloyati |
| 11. | Xalilova Mamura Fayzulla qizi | Toshkent viloyati |
| 12. | Yusupov Sardorbek Maʼrufovich | Fargʻona viloyati |
| 13. | Sobirova Farangiz Yoʻldosh qizi | Xorazm viloyati |
| 14. | Homidov Hamdam Hasan oʻgʻli | Toshkent shahri |
