Oʻzbekiston Respublikasi Vazirlar Mahkamasining “Ilmiy va innovatsion faoliyat bilan shugʻullanib kelayotgan iqtidorli yoshlarni qoʻllab-quvvatlash
chora-tadbirlari toʻgʻrisida”gi 2021-yil 19-apreldagi 222-son qarorida belgilangan vazifalarni ijrosini taʼminlash maqsadida vazirlik tomonidan 2021-yilning may oyidan boshlab ilmiy faoliyatga oid davlat dasturlari mablagʻlari doirasida “Boʻlajak olim” tanlovi doirasida ilmiy gʻoya va startap loyihalar boʻyicha takliflar qabul qilish boʻyicha eʼlon berildi. Tanlov yakunlariga koʻra startap loyihalar boʻyicha 150 ta ariza qabul qilindi.
Taqdim etilgan startap loyihalar “Boʻlajak olim” tanlovini oʻtkazish tartibi toʻgʻrisida nizom” talablariga muvofiqligi, shuningdek, startap loyiha hujjatlariga koʻra taqdim etilgan maʼlumotlarni tahlil qilishda xatolarni aniqlash boʻyicha tanlov ishchi organi hisoblangan Yoshlar akademiyasi faoliyatini muvofiqlashtirish boshqarmasi tomonidan texnik ekspertiza tashkil etildi. Texnik ekspertiza natijalariga koʻra 74 ta startap loyiha tanlov komissiyasi muhokamasiga kiritildi. Tanlov komissiyasi muhokamalaridan muvaffaqiyatli oʻtgan 26 ta startap loyiha moliyaviy-iqtisodiy ekspertizaga kiritildi.
Hayʼat muhokamasiga “Texnika”, “Yer toʻgʻrisidagi”, “Axborotlashtirish va axborot-kommunikatsiya texnologiyalarini rivojlantirish” va “Qishloq xoʻjaligi va atrof-muhitni muhofaza qilish” va boshqa yoʻnalishlar boʻyicha “Boʻlajak olim” tanlovi komissiyasi tomonidan moliyalashtirishga tavsiya etilgan va moliyaviy-iqtisodiy ekspertiza xulosasi olingan 6 ta startap loyiha kiritildi hamda hay’at qaroriga asosan moliyalashtirishga tavsiya etildi.
Eslatib oʻtamiz tanlov komissiyasi tomonidan moliyalashtirishga tavsiya etilgan keyingi loyihalar ham vazirlik hayʻatining keyingi majlislarida koʻrib chiqilib qaror qabul qilinadi!
Moliyalashtirishga tavsiya etilgan loyihalar roʻyxati
| № | Loyiha nomi | Loyiha rahbari | Ijrochi tashkilot | Loyihani bajarish muddati | Tavsiya etilgan summa (mln.soʻm) |
| 1 | Maktabgacha taʼlim tashkilotlari uchun quyosh havo qizdirish qurilmasini yaratish | Safarova Setora Ulugʻbek qizi | Qarshi muhandislik-iqtisodiyot instituti | 12 oy | 36,327 |
| 2 | Ekologik xavfsiz polimer plyonka va qadoqlovchi materiallar olish uchun bioparchalanuvchi kompaundlar ishlab chiqarish korxonasini yaratish | Turdiqulov Islom Hayitboy oʻgʻli | Fanlar akademiyasi Polimerlar kimyosi va fizikasi instituti | 12 oy | 735,000 |
| 3 | Koʻzi ojizlar uchun innovatsion relyefli xaritaning yangi avlodini yaratish | Ahmadjonov Mavlonbek Bahodir oʻgʻli | Namangan davlat universiteti | 12 oy | 98,000 |
| 4 | Stomatitni davolovchi plastinka-tez, oson va qulay | Shermatova Iroda Baxtiyor qizi | “Erudit grand class” MCHJ | 12 oy | 461,000 |
| 5 | Mahalliy xom ashyolar asosida tayyorlangan uy-joy xoʻjaliklari uchun suv isitish qurilmasi | Pardayeva Gulmira Parda qizi | Namangan muhandislik-qurilish instituti | 12 oy | 55,000 |
| 6 | Rekuperator va havo tozalagichlarini ishlab chiqish | Xaydarov Doniyor Nosirdin oʻgʻli | “Innovatsion inkutorlar markazi” MCHJ | 12 oy | 698,076 |